ಕನಸು ಆಸೆ ಮತ್ತು ನಿರೀಕ್ಷೆ

ನನ್ನದೊಂದು ಕನಸಿದೆ

 ಹಳೆ ಕನಸುಗಳೆಲ್ಲ ಕೈಗೂಡಿಯೋ

ಛಿದ್ರವಾಗಿಯೋ, ಮುಗಿದುಹೋಗುವುದರೊಳಗೆ,

ಹೊಸ ಕನಸುಗಳಿಗೆ ಬಸಿರಾಗಿ, ಹೊಸ ನಿರೀಕ್ಷೆಗಳಿಗೆ

ತೆರೆದುಕೊಳ್ಳಬೇಕೆಂದು

ನನ್ನದೊಂದು ಆಸೆಯಿದೆ

ಚಿಗುರಿನಾಸೆಯ ಬಿಟ್ಟು, ಬೇರ ಮೋಹವ ಸುಟ್ಟು

ಸತ್ತು ಮಲಗಿರುವ ಒಣ ಕೊರಡು ಗಳೆಲ್ಲವುಗಳಲಿ

ಹಸುರಿನಾಸೆಯ, ಬದುಕ ಪ್ರೀತಿಯ

ಚಿಗುರಿಸಬೇಕೆಂದು

ನಗೊಂದು ನಿರೀಕ್ಷೆ

ಕರಿ ಮೋಡದೊಡಲಿಂದ

ಭೋರ್ಗರೆವ ಮಳೆ ಸುರಿದು, ಹೊಸ ನೀರು ಹೊಸ ಗಾಳಿ

ಹೊಸ ಕಿರಣ ಗಳೊಡಗೂಡಿ, ಕವಿದ ಗೊಳೆ ಗೊಡ್ದನ್ನು

ತೊಳೆದು ಹಾಕುವುದೆಂದು.